Us shokh ko hun aj sarapa

Pas-e-adab mein josh-e-tamanna liye hue
main bhi hun ek hubab mein dariya liye hue
rag-rag mein aur kuch na raha juz khayal-e-dost
us shokh ko hun aj sarapa liye hue
saramaya-e-hayat hai hirmane-e-ashiqi
hai sath ek surat-e-zeba liye hue
josh-e-junun mein chut gaya aastan-e-yar
rote hain muh mein daman-e-sahara liye hue
‘asghar’ hujum-e-dard-e-garibi mein usaki yaad
aai hai ik tilismi tamanna liye hue