Saaya diwaar par mera tha

Zakham_E_tanhaayi mein khushboo_E_hina kis ki thi

Saaya diwaar par mera tha Sadaa kis ki thi

Uss ki raftaar se lipti rahi aankhein meri

Uss ne murr kar bhi na dekha ke wafa kis ki thi

Aansuon se hi bhar gaya daaman mera

Haath toh meine uthaaye thei DUA kis ki thi

Meri Aahon ki zubaan koi samajhta kaise

Zi…ndagi itni dukhi mere siva kis ki thi

Aag se dosti uss ki thi jala ghar mera

De gaye kis ko saza aur khata kis ki thi