Zamana mera aazmaya huwa hai

terey paas aane ko jee chahata hai
naye zakhm khane ko jee chahata hai

zamana mera aazmaya huwa hai
tujhey aazmane ko jee chahata hai

wahi baat reh reh k yaad aa rahi hai
jisey bhool jane ko jee chahata hai

labo’n par merey khailtey hain tabassum
jab aansoo bahane ko jee chahata hai

takalluf na kar aaj barq e tajalli
nasheman jalaney ko jee chahata hai

rukhey zindagi se naqabain ulat karr
haqiqat dikhane ko jee chahata hai